Për zgjidhjen e krizës në Shqipëri është caktuar që ndërmjetësuese të jetë Jana Sindekova shefja e Kabinetit të komisionerit për Zgjerim të BE-së Shtefan Fyle, e cila pritet të mbërrijë sot në Tiranë.

Ajo pritet që gjatë dy ditëve të ardhshme të bashkojë ekspertët evropianë me përfaqësuesit qeveritarë dhe opozitës në Shqipëri.

Pas trysnive të fuqishme të Evropës dhe SHBA-ve pritet që konflikti politik i pushtetit dhe opozitës të tejkalohet me lëshime nga të dyja palët.

Kjo veçanërisht ka të bëjë me kërkesën e opozitës për transparencë të zgjedhjeve të fundit, për të cilat opozita konsideron se janë të manipuluara, ndërsa në anën tjetër pozita kërkon që këto çështje të zgjidhen në mënyrë ligjore.

< Paraprake		Pasuese >