Nafta e derdhur nga rafineria Transoqeanike amerikane arriti në bregdetin e këtij vendi. Të gjitha masat po merren për të parandaluar një katastrofë ekologjike. Atë që e paralajmëroi Garda Bregdetare amerikane, u realizua të enjten.

Forcat detare amerikane nisën përgatitjet për të parandaluar katastrofën ekologjike, që po i kërcënohet kësaj pjese të oqeanit Atlantik. Reagoi edhe Presidenti amerikan Barack Obama, i cili vuri në dispozicion të gjitha mjetet për të zgjidhur situatën. Situata e tillë në Gjirin e Meksikës nga Shtëpia e Bardhë u raportua si incident me rëndësi nacionale.

Më shumë se 5 mijë barelë naftë besohet të jenë shkarkuar në ujë. Me këtë rast, autoritetet amerikane detyrimisht hapën sezonin e kapjes së karkalecave, duke ju lejuar peshkatarëve të zhvillojnë punën, para se nafta të shkatërrojë gjithçka. Shpërthimi në rafinerinë transoqeanike që ngjau një javë më parë në ujërat e Atlantikut, solli deri te zhdukja e 11 punonjësve, dhe plagosja e 50 të tjerëve.

< Paraprake		Pasuese >