Edhe pse ekziston interesim i theksuar, biznesmenët kosovarë nuk ndiejnë siguri të mjaftushme për zhvillimin e biznesit të tyre në Maqedoni.

Shkak për këtë është vonesa në ndriçimin e rastit të zhdukjes së biznesmenit Nexhat Arifi nga Prishtina, si dhe plagosjes së një biznesmeni tjetër prizrenas.

Të dy këto raste kanë ndodhur në Shkup, kurse policia maqedonase nuk ka ndriçuar asnjërin prej tyre.
Përveç kushteve të sigurisë, biznesmenët kosovarë kërkojnë nga autoritetet maqedonase edhe lehtësime plotësuese doganore.

Mundësinë për avancimin e bashkëpunimit në sferën e biznesit, biznesmenët kosovarë dhe ata nga Maqedonia e kanë diskutuar në një forum biznesi në Shkup. Për momentin Maqedonia është në mesin e eksportueve më të mëdhenjë në Kosovë, përderisa eksporti kosovar në Maqedoni mbetet shumëfish më i vogël.
 

< Paraprake		Pasuese >