Të paktën 5 persona humbën jetën dhe 10 të tjerë janë lënduar rëndë, si rezultat i një shpërthimi vetëvrasës në Bagdad të Irakut.
Ngjarja e rëndë ndodhi sot në lagjen Abu Dsheer, kur kamikazi i mbushur me eksploziv iu afrua një postblloku të autoriteteve vendase.

Përgjegjësinë për sulmin nuk e mori askush, edhe pse autoritetet bënë të ditur se kryesit e aktit janë ekstremistët që lidhen ngushtë me rrjetin terrorist të Al Qaedas.
Zyrtarët irakian thanë se sulmi mund të jetë hakmarrje, ndaj vrasjes së njërit prej liderëve të Al Qaedas në Bagdad.

Përgjakja në kryeqendrën irakiane vjen në një periudhë paqartësie, si rezultat i zgjedhjeve presidenciale, që ende nuk kanë dhënë rezultatin final.

< Paraprake		Pasuese >