Paketa prej 45 miliardë Eurove që do t’i dedikohet Greqisë gjatë këtij viti nga Bashkimi Evropian dhe Fondi Monetar Ndërkombëtar, do të dëshmojë se vendi helen mund t’i bëjë ballë borxheve dhe krizës financiare.
Kështu deklaroi Kryeministri grek Jorgos Papandreu, një ditë më herët në Athinë.

Kreu i qeverisë helene vlerësoi se gjithçka që i nevojitet Athinës zyrtare për të dalë nga batica financiare, është vëmendja e Eurozonës, me qëllim që institucionet greke të reagojnë karshi krizës.

Sipas Papandreut, aleatët ekonomik dhe politik, mund të japin mbështetjen që për momentin nuk po e jep tregu.

Ai kërkoi nga zyrtarët grekë, punë të palodhshme dhe innovative, për të menaxhuar mirë me krizën ekonomike.
Numri një i qeverisë greke, ndër të tjera kërkoi një konsultim botërorë për tregjet.
.

< Paraprake		Pasuese >