Presidenti i Meksikës Felipe Kalderon ka sulmuar ashpër legjislacionin e ri për emigrant, në shtetin kufitar të Arizonës së SH.B.A-së.Kreu i Meksikës beson se ky ligj, vetëm sa do të ushqejë urrejtje dhe diskriminim.

“Është vënë në lëvizje Legjislacioni i cili i hap dyert diskriminimit të papranueshëm racor, dhe ne si qeveri do të bëjmë çmos për t’i mbrojtur të drejtat e secilit bashkëkombas që preket nga ky ligj”, ishin fjalët e Presidentit të Meksikës. Ligji i ri, që u nënshkrua nga republikanët është kritikuar edhe nga vetë presidenti Obama.

Shumica e 11 milion emigrantëve në Amerikë besohet të jenë Meksikanë. Legjislacioni i ri, kërkon nga forcat e rendit që të kuptojnë se në çfarë cilësie qëndron një person në Amerikë. Ky rregull është quajtur si keqtrajtues i profilizimit racor. Në bazë të ligjit është ilegale të punësosh punëtorë krahu nga rruga.

< Paraprake		Pasuese >