Presidenti francez Nicolas Sarkozy, të mërkurën foli në favor të vendimit për heqjen e shamive, burkës dhe nixhabit. Këtë informacion e bëri të ditur një zëdhënës i Sarkozy-s, duke shpjeguar se me këtë vendim mbrohet dinjiteti i grave.

Sipas kabinetit të Sarkozy, propozim ligji që do të nxjerrët në diskutim gjatë muajit maj, nuk ka për qëllim dëmtimin e ndonjë religjioni të caktuar. Nga ana tjetër, shumica e qytetarëve në Francë besojnë se një ligj i tillë do të cenonte lirinë e femrës për të predikuar fenë, por edhe dëshirën e veshjes.

Ndryshe nga Parisi zyrtar, deputet belg të enjten në Bruksel do të debatojë për propozim ligjin, e heqjes shamive BURKA dhe NIXHAB.

Gjatë orëve të pasdites ata do të votojnë për këtë ligj, dhe kësi soji Belgjika mund të bëhet vendi i parë i BE-s, që do të aprovonte një ligj të tillë. Vota e së enjtes mund të shkaktojë kolapsin e qeverisë belge, marrë parasysh kritikat e organizatave myslimane dhe shoqatave të drejtave të njeriut. Propozim ligji belg parasheh ndalesën e shamive që mbulojnë identitetin e personit në vende publike.
Në rast se kalon ky ligj, atëherë secila femër që bën kundërvajtje do të dënohet me 15 deri 25 euro, ose shtatë ditë burg.

< Paraprake		Pasuese >