Ata të cilët duan të pajisen me një vizë Shengen nga sot do t’a kenë më të lehtë e nëse ajo refuzohet, do të njoftohet për arsyet e refuzimit. Kjo në bazë të kodit te ri të Bashkimit Evropian për vizat, i cili hyn sot në fuqi.

Sipas këtij kodi procedura e marrjes së vizave do të jetë e njëjtë për 25 vendet e Shengenit. Kodi i ri po ashtu parashikon që brenda 15 ditësh, konsullata e një vendi Shengen duhet t'i japë një datë aplikantit, në të cilën ai mund të paraqesë formularin e aplikimit për vizë.

Pastaj brenda dy javësh duhet të merret vendimi për dhënien ose jo të vizës. Zyrtarët e BE-së gjithashtu thonë se formulari i plotësimit për kërkesën për vizë do të jetë më i lehtë dhe më i shkurtër.

Kodit parashikon në parim të mbetet e pandryshuar pagesa prej 60 eurosh për vizë, por do të ketë disa përjashtime. Do të ketë ulje të pagesës për fëmijët 6 deri 12 vjeç, të cilët në të ardhmen do të paguajnë vetëm 35 euro, si dhe janë parashikuar përjashtime për grupe të caktuara aplikantësh.

 

< Paraprake		Pasuese >