Deputetet belgë votuan njëzëri për propozim ligjin që synon të ndalë përdorimin e shamisë nëpër vende publike.

Ky vendim solli një pakënaqësi të madhe tek komuniteti mysliman në këtë vend

Me këtë akt Belgjika bën hapin e parë ndër vendet e Bashkimit Evropian, që tenton të heq nga përdorimi këto pjesë identifikuese të veshjeve islamike.

Propozim ligji do të dalë në votim para Parlamentit të Belgjikës më datë 22 prill për të parë nëse do të shndërrohet në ligj.

Vendimi i tillë i deputetëve belgë u prit me pakënaqësi te komuniteti i emigrantëve. U paralajmëruan edhe protesta.

Në disa shkolla në rajonet flamane, ferexhja është e ndaluar për përdorim, por nëpër pjesën më të madhe të territorit të vendit, kjo gjë nuk ishte e ndaluar. Këto pjesë të veshjeve islame janë çështje e ndjeshme edhe në Francën fqinje. Më shumë se 15 milionë myslimanë jetojnë nëpër vendet e BE-së.

 

< Paraprake		Pasuese >