9.9 miliardë dollarë amerikane është bilanci financiar që do t’i dedikohet Haitit në një periudhë disa vjeçare.

Këtë shumë arritën ta mbledhin donatorët që u mblodhën në një konferencë të posaçme në Selinë e Kombeve të Bashkuara.

Haiti do të pranojë brenda dy viteve 5.3 miliardë dollarë për ndërtimin e shkollave, objekteve qeveritare, vendbanime dhe spitale.

Haitit në ndihmë nuk i erdhën vetëm fuqitë e mëdha si Shtetet e Bashkuara apo Bashkimi Evropian, por edhe nga vende si Mali i Zi e Kuvajti, deklaroi Kryediplomatja amerikane Hillary Clinton.

Ndërkohë Presidenti i Haitit Rene Preval vlerësoi se ndihma që do të vjen nga kjo konferencë e donatorëve ka një rëndë të veçantë për popullin haitian. Dëmet nga tërmeti i fuqishëm në Port O Prens të Haitit shkaktuan dëme prej 8 deri në 14 miliardë dollarë amerikane. Ky tërmet mori jetën e 200 mijë personave dhe la pa strehë mbi kokë më shumë se 1 milion banorë.
 

< Paraprake		Pasuese >