Një skandal me trupa të foshnjave të vdekura është zbuluar në Kinë. Autoritetet arrestuan, të mërkurën, zyrtarë dhe punonjës të dy spitaleve në Shadong, për shkak të dyshimeve se janë të lidhur me rastin e 21 bebeve, të cilat u gjetën në një lum në afërsi.

Sipas policisë kineze, dy punonjës të morgut në objektin shëndetësor në Xhining, janë përgjegjës për ngjarjen që trazoi opinionin publik në Kinë.

Vetëm një ditë më parë ata gërmuan edhe në afërsi të lumit, ku u gjetën mbetje mortore nga foshnjat kineze. Te disa nga bebet u gjetën numrat, që shërbejnë për tu njohur nga prindërit.

Besohet se një numër i madh i foshnjave janë hedhur në lum, për shkak se prindërit nuk patën mundësi të paguajnë taksat e varrimit apo balsamimit të mbetjeve mortore. Kina është vendi me numrin më të madh të popullsisë në botë.
 

< Paraprake		Pasuese >