Derisa kryeministri i Rusisë Vladimir Putin kërkon të gjenden fajtorët që kryen sulmin vetëvrasës në metronë e Moskës, një tjetër aktivitet terrorist ngjau në rajonin autonom të Dagesanit.

Të paktën 12 persona u vranë, përfshirë këtu dhe një zyrtar të lartë policor, gjatë dy aksioneve vetëvrasëse në rajonin e Kaukazit Verior.

Ngjarja e e parë dhe më e rëndë ngjau mëngjesin e së mërkurës, para Ministrisë së Brendshme në qytetin e Kizlyarit.

Vetëm 20 minuta më vonë, ndodhi edhe sulmi tjetër duke shkaktuar një panik të madh tek qytetarët e këtij vendi. Këto sulme besohet të jetë dorë e militantëve islamikë. Vetëm një muaj më parë lideri i rebelëve Doku Umarov pati paralajmëruar autoritetet e Moskës se luftëtarët e tij do të zgjerojnë veprimtarinë nëpër shumë pjesë të Federatës Ruse.

Tre ditë më herët, qytetarët e Moskës ishin dëshmitarë të një sulmi vetëvrasës në stacionin e metrosë. Gjatë kësaj ngjarjeje të rëndë, u vranë 39 persona derisa rreth 100 të tjerë mbetën të lënduar.
 

< Paraprake		Pasuese >