Viktimat e gjenocidit serb në Srebrenicë, humbën sot rastin në Gjykatën e Hagës, kundër trupave të Kombeve të Bashkuara. Gjykata e apelit vendosi se trupat e deleguara nga OKB gëzojnë imunitet, sipas Konventave Ndërkombëtare.

Të vejat dhe viktimat patën kërkuar nga Kombet e Bashkuara dëmshpërplim për vrasjen e rreth 8 mijë të afërmve të tyre gjatë vitit 1995.

Avokatët e familjarëve të viktimave paralajmëruan se nëse Gjykata e Apelit nuk e merr parasysh kërkesën e tyre, do t’i drejtohen Gjykatës Supreme të Holandës dhe Gjykatës Evropiane të Drejtësisë.

Ndërkohë, në po të njëjtën ditë në Parlamentin e Beogradit u debatua po e njëjta çështje. Deputetët serb diskutuan rreth hartimit të një rezolute që dënon këtë masakër. 

Qeveria serbe thotë se ky do të jetë një hap i rëndësishëm përpara në përpjekjet e Serbisë për t'u ndarë nga e kaluara e dhembshme dhe për ta prezantuar veten si një vend i ndryshuar, demokratik, multietnik dhe me shpresë për të një të ardhme në Bashkimin Evropian.

< Paraprake		Pasuese >