Nga dy sulme simultane në metronë e Moskës, të paktën 37 civilë kanë vdekur ndërsa dhjetëra të tjerë raportohet se janë lënduar.
Shpërthimi i parë ka ndodhur në stacionin Lubyanka në ora 7.56 të mëngjesit, kohë kur metroja ishte e mbushur me udhëtarë.

40 minuta më vonë, shpërthimi i dytë goditi stacionin Kultury Park. Autoritetet bënë të ditur se niveli i shkatërrimit dhe numri i viktimave do të bëhet i ditur në orët e pasdites, pasi hetimet në vendet e sulmit është vështirësuar.

Përgjegjësinë deri tani nuk e ka marre askush, por dyshimi bie mbi grupet çeçene, ku Kremlini është duke luftuar militantët islamikë. Kryebashkiaku i Moskës, Yuri Luzhkov shprehu dyshimin se dy kamikazët ishin femra. Ky është sulmi më i rëndë terrorist në Moskë që nga viti 2004 kur në një situatë të njëjtë, në një stacion treni, humbën jetën 39 civile ndërsa u lënduan më shumë se 100 të tjerë.

< Paraprake		Pasuese >