Blloku 16 anëtarësh i Euro Zonës më në fund ra në ujdi për të ndihmuar Greqinë. Më shumë se 20 miliardë euro do të jenë në dispozicion për të përmirësuar gjendjen financiare.

Ky vendim u morë të enjten nga liderët e vendeve më të fuqishme të BE-s, pasi Gjermania dhe Franca ranë dakord për të krijuar rrjetin e sigurisë për vendin e goditur nga kriza e thellë financiare. Paketa e Bashkimit Evropian për Greqinë do të përkrahet edhe nga Fondi Monetar Ndërkombëtar.

Ky propozim llogaritet si kompromis në mes kërkesave të Gjermanisë dhe vendeve tjera të kësaj zone evropiane. Ndihma e bllokut të fuqishëm evropian kap shifrën e 20 deri 22 miliardë eurove. Presidenti i Bashkimit Evropian Herman Van Rompoy deklaroi se marrëveshja në mes dy palëve nuk ka rëndësi vetëm për Greqinë, por edhe për stabilitetin e Euro Zonës. Ngjashëm foli edhe Barroso. Tha se është i lumtur për ujdinë, duke e cilësuar si vendim të drejtë. E kryeministri grek Jorgos Papandreu tha se ky është një hap i madh që i mundëson Greqisë dalje nga kriza. Greqia është vendi me deficitin më të madh buxhetor në Bashkimin Evropian.

< Paraprake		Pasuese >