Gjermania vazhdon të mbajë peng Eurozonën për të ndihmuar Greqinë. Ata kërkojnë që Athina t’i adresohet Fondit Monetar Ndërkombëtar.

Edhe pse Komisioneri evropian Jose Manuel Barroso i bëri thirrje liderëve të vendeve më të fuqishme që të ndihmojnë vendin në krizë, Gjermania vazhdon të jetë pengesë kryesore.

Përfaqësuesit gjerman në Bruksel të mërkurën mbrëma bllokuan aprovimin e mbajtjes së një samiti dy ditorë, ku do të kërkohej ndihmë për Athinën zyrtare.

Fuqia më e madhe ekonomike e evrozonës, mbron qëndrimin se Greqia duhet të kërkojë ndihmë nga Fondi Monetar Ndërkombëtarë.

Në një rast të tillë, Gjermania do të përkrahte qëndrimin që vendet e zonës më të fuqishme evropiane të përkrahin pjesërisht vendin e kapluar nga batica e thellë financiare. Këtë qëndrim ditë më parë e dha vetë Kancelarja gjermane Angela Merkel.

Qeveria e Athinës varet drejtpërdrejtë nga ndihma e BE-së. Kryeministri i këtij vendi Jorgos Papandreu shpesh herë ka thënë se nuk dëshiron që adresa e tij të jetë Fondi Monetar Ndërkombëtarë.

< Paraprake		Pasuese >