Presidenti i Shteteve të Bashkuara të Amerikës Barack Obama, priti të martën kreun e qeverisë izraelite Benjamin Netanjahu.

Takimi i zhvilluar me dyer të mbyllura në Shtëpinë e Bardhë, llogaritet të ketë qenë një mundësi për tejkalimin e dallimeve në mes dy vendeve, rreth zgjidhjes së kontestit izraelito palestinez.

Takimi i nivelit të ulët në mes dy liderëve, që është një gjë e pazakontë për zyrtarët e lartë izraelitë që udhëtojnë në Shtëpinë e Bardhë, vjen vetëm një ditë pasi zyrtarët tjerë amerikan kritikuan Tel Avivin zyrtar për ndërtimet në pjesën arabe të Jerusalemit.

Bisedimet në mes Obamës dhe Netanjahut, u zhvilluan në Dhomën Ovale dhe zgjatën 90 minuta. Asnjëri nga liderët pas takimit nuk dha ndonjë deklaratë për mediat.
 

< Paraprake		Pasuese >