“Jerusalemi nuk është punishte por një kryeqendër hebraike”. Kjo ishte porosia e Kryeministri izraelit dhënë të martën gjatë vizitës së tij në Shtetet e Bashkuara të Amerikës.

Kreu i qeverisë izraelite zhvilloi takime me zyrtarët më të lartë në Uashington, përfshirë këtu kryesuesen e Kongresit Nensi Pellosi dhe Sekretaren amerikane të Shtetit Hillary Clinton.

Netanjahu tha se populli hebraik ka filluar të ndërtojë Jerusalemin 3 mijë vite më parë dhe do të vazhdojë të ndërtojë edhe sot.

Vlerësimet e tilla, Netanjahu i dha pak momente para se ta takoj presidentin amerikan Barack Obama.

Takimi në mes dy liderëve është paraparë të jetë i karakterit të mbyllur, pa praninë e medieve. Ndërtimet izraelite në pjesën arabe të Jersualemit, llogariten shkaku kryesor për prolongimin e bisedimeve në mes dy palëve.

Palestinezët ashtu si dhe komuniteti ndërkombëtarë kërkojnë ndërprerjen e ndërtimeve, për të nisur bisedime rreth zgjidhjes së problemit kryesor të lindjes së mesme.

< Paraprake		Pasuese >