Sekretarja e shtetit Hilary Clinton duke folur para komitetit Izraelito-Amerikan, tha se Izraeli duhet të marrë disa vendime të vështira nëse dëshiron një marrëveshje paqësore me palestinezët.

Klinton tërhoqi vërejtjen “Status Quo”-ja është e paqëndrueshme.

Ky qëndrim erdhi pasi të dielën kryeministri izraelit Benjamin Netanyahu deklaroi se nuk do t’i ndalë ndërtimet e 1.600 shtëpive të kolonive hebreje në Jerusalemin lindor.

Autoritetet palestineze janë zemëruar ndaj insistimit të izraelitëve në ndërtimin e shtëpive në territorin e okupuar. Palestinezët kanë bërë të ditur se nuk do të ketë bisedime derisa ndërtimi i kolonive nuk ndalen.

Rreth 500 mijë hebrenjë jetojnë në 100 koloni, të ndërtuara që nga okupimi i Bregut Perëndimor në vitin 1967. Këto ndërtime Gjykata Ndërkombëtare i quan të paligjshme.
 

< Paraprake		Pasuese >