Forcat Boliviane të enjten kanë zbuluar njërin prej laboratorëve më të mëdhenj të Kokainës. Megafabrika është zbuluar në malet rreth qytetit Santa Cruz.

Autoritetet bënë të ditur se ky laborator kishte kapacitet të prodhojë 250kg kokainë të pastër në javë. Laboratori ishte i pajisur me të gjitha mjetet e nevojshme për kristalizimin e narkotikëve.

Është mëse e sigurt se kjo pikë prodhimi i takonte trafikantëve të drogës. Zyrtarët besojnë se ky vend kishte 15 punëtorë, dhe se operonte prej disa muajsh. Përveç mjeteve të konfiskuara policët arritën të arrestojnë tre persona, të cilët u transferuan me helikopter.

Dy nga prej tyre janë kolumbianë dhe njëri bolivian. Autoritetet besojnë se trafikantët mund të kenë sistem paralajmërues pasi shumë rrallë arrijnë të arrestojnë dikë. 

< Paraprake		Pasuese >