Mediat shqiptare bëjnë të ditur se në qendër të Tiranës ka ndodhur një terror brenda 30 minutave. Një grabitje banke ka përfunduar në një pengmarrje. Një person i armatosur, pasi ka grabitur një bankë në ambjentet e një qendre tregtare, gjatë tentativës së tij për t'u larguar nga policia, ka marrë peng një kalimtare të rastit pranë Librit Universitar në Tiranë.

Drejtimi i tij më pas është zhvendosur drejt Presidencës, ku përgjatë 5 minutave pengmarrësi i armatosur kërcënonte këdo që i dilte përpara.

Nga informacionet e para mësohet se autori është Romeo Leka 25 vjeç nga Mirdita, por me banim në qytetin e Durrësit, ndërsa vajza 19-vjeçare nga qyteti i Lushnjes, por me studime në Tiranë.

Menjëherë në vendngjarje kanë mbërritur forca të shumta policie si dhe ato të repartit RENEA, të cilat kanë bërë rrethimin e zonës. Pas tentativave për dialog autori është rrethuar dhe më pas arrestuar.
 

< Paraprake		Pasuese >