Kabineti i presidentit serb Boris Tadiq ka bërë të ditur sot se në takimin e mbrëmshëm kreu i shtetit serb ka thënë se pjesëmarrja e Serbisë në samit varet nga ajo nëse shqiptarët e Kosovës do të marrin pjesë në kuadër të delegacionit të UNMIK-ut.

Presidenti serb, Boris Tadiq, ka përsëritur qëndrimin e vendit të tij se pjesëmarrja e Serbisë në samitin e Bërdos pranë Kranjit varet nëse pjesëmarrja e delegacionit të Kosovës do të jetë në pajtim me Rezolutën 1244 të Këshillit të Sigurimit të Kombeve të Bashkuara.

Krerët e institucioneve të Kosovës kanë bërë të ditur se Kosova në samitin e Bërdos pranë Kranjit më 20 mars do të prezantohet vetëm si shtet i pavarur.

Së bashku me komisarin e BE-së për Zgjerim Stefan Fule, Pahor gjatë vizitës së tij të djeshme është munduar të gjejë zgjidhje kompromisi, duke kërkuan nga Tadiqi të pranojë ofertën që në konferencë të shkohet pa siglën e shteteve pjesëmarrëse.

Pritet që në Bërdo, të shtunën të shkojnë kryetari i Këshillit të Evropës Herman Van Rompui, ministri i jashtëm spanjoll gjithashtu kryesues i BE-së Miguel Angel Moratinos, si dhe komisionari evropian për Zgjerim Stefan Fule. Konferencën pritet ta mbështesë edhe shefja e diplomacisë së BE-së, Ketrin Eshton.

< Paraprake		Pasuese >