Kryeministri slloven, Borut Pahor ka vizituar mbrëmë Beogradin, për të takuar edhe njëherë presidentin serb, Boris Tadiq, para konferencës së të shtunës në Bërdo.
Lajmi është konfirmuar nga kabineti i sllovenit, ndërsa bëhet e ditur se presidenti serb, është i vetmi i ftuar që nuk e ka konfirmuar pjesëmarrjen në konferencë, duke kundërshtuar paraqitjen e barabartë të Kosovës, me shtetet tjera.

Rezultatet e këtij takimi me Tadiqin, Pahor do t’i bëjë të ditura sot në orët e pasdites. Ndërkohë, raportuesi i parlamentit Evropian për Serbinë, slloveni Jelko Kacin, tha se Tadiq, ka shkelur marrëveshjen e arritur ditë më parë në takimin në Ptuj, me Pahorin dhe kryeministren kroate, Janka Kosor, që të gjithë pjesëmarrësit të paraqiten pa simbole shtetërore dhe pa postet e tyre. Mirëpo, sipas tij, Tadiq ka ndërruar qëndrim me të kthyer në Serbi.
 

< Paraprake		Pasuese >