Gjaku i mbledhur nga opozitarët tajlandez sot u derdh para shtëpisë së Kryeministrit Abhisit Vexhaxhiva. Këmishat e kuqe në Tajlandë nuk e harxhuan sasinë e gjakut të martën në protestat para qeverisë.

Ata derdhën gjak edhe para oborrit të kreut të qeverisë tajlandeze dhe kërkuan zgjedhje të parakohshme. Më shumë se 1.500 policë u rreshtuan në shtëpinë e Vexhaxhivas që ndodhet në Bangkok. 

Vexhaxhiva vetëm një ditë më parë hodhi poshtë mundësinë për zgjedhje të parakohshme. Ai tha se do të shërbejë si kryeministër deri në fund të mandatit. 

Por, kreu i qeverisë këtë situatë e pa vetëm nga raportet e medieve, sepse është transferuar në një bazë ushtarake, vend ku po e zhvillon veprimtarinë e tij. Përkundër asaj që ende nuk janë shënuar përleshje në mes përkrahësve të Taksin Shinavatrës dhe forcave të rendit, mediet në Tajlandë edhe më tutje e cilësojnë situatën si të rrezikshme
 

< Paraprake		Pasuese >