Autoritetet serbe e cilësojnë si shumë të rëndësishme vizitën e shefit të diplomacisë shqiptare, për rifillimin e marrëdhënieve bilaterale. Në dhjetë vitet e fundit ndërmjet Serbisë e Shqipërisë nuk ka pasur kontakte ose kanë qenë të nivelit shumë të ulët.

Në kabinetin e presidentit serb, Boris Tadiq, kanë pohuar se ndër temat e shumta që do të diskutohen me Metën do të jetë edhe çështja e Kosovës.

Ndërkohë, gjatë vizitës dyditore, Meta do të takohet edhe me zv.kryeministrin serb Bozhidar Gjeliq dhe me ministrin e jashtëm, Vuk Jeremiq, ndërsa do të marrë pjesë edhe në komemoracionin që organizohet në përvjetorin e vrasjes së kryeministrit serb, Zoran Gjingjiq.

< Paraprake		Pasuese >