Përgjaket Pakistani. Cak ishin zyrat e shërbimit sekret në Lahore, ndërsa një sulm vetëvrasës la të vdekur 11 policë dhe 60 të tjerë të lënduar.

Kamikazi kishte hyrë me automjetin e tij në zyrat e shërbimit sekret në këtë vend, të hënën në orët e para të mëngjesit, në kohën kur nëpunësit kishin shkuar në vendet e tyre të punës.

Në vendngjarje ka mbetur i shënjuar një krater i madh nga
shpërthimi, i cili besohet se ka dëmtuar seriozisht edhe fondamentin e ndërtesës së shërbimit sekret Pakistanez.

Ekipet shpëtimtare punonin për ti gjetur personat që kishin mbetur nën gërmadhat e shtëpive të goditura nga eksplozioni i fuqishëm.

Shumë prej tyre shpëtuan, por mjekët e spitalit në Lahore thanëse në mesin e të lënduarve ka persona që pësuan lëndime të rënda, dhe se numri i të vdekurve pritet të rritet. Guvernatori i provincës Khusro Pervais doli në vendin e ngjarjes, për ta inspektuar dëmin e shkaktuar. Analistët besojnë se ky sulm vjen si përgjigje aksioneve të fundit të Ushtrisë Pakistaneze. Këta të fundit, arritën të arrestojnë disa Taliban të rangut të lartë

< Paraprake		Pasuese >