Dhuna në Irak ku të paktën 35 persona humbën jetën dhe qindra të tjerë u lënduan, nuk frikoi qytetarët e këtij vendi, që në katër anët e Irakut, qysh në orët e hershme të mëngjesit të pritnin në radhë për të kryer këtë obligim qytetarë.
Në ndihmë popullatës i erdhën edhe plotë 500 mijë forca të rendit.
Kryeministri Nuri Al Maliki teksa po votonte, u bëri thirrje qytetarëve që të dalin masovikisht në zgjedhje. Sipas tij në këtë mënyrë forcohet demokracia.
E kryeparlamentari i vendit fqinj, Iranit, Ali Larijani akuzoi SHBA-n për dhunën në zgjedhje. Tha se ata janë përgjegjës për këtë situatë.
Ndryshe nga Larijani, presidenti amerikan Barack Obama shprehu ngushëllim për jetët e humbura, dhe çmoi kurajën e qytetarëve që zgjodhën të votojnë dhe të mundin kërcënimet që vijnë nga keqdashësit e këtij vendi.
Këto janë zgjedhjet e dyta që organizohen në Irak pas rënies së Saddam Huseinit.

< Paraprake		Pasuese >