Autoritetet peruane zbuluan, të premten mbrëma, në portin e kryeqytetit Lima, një dërgesë të veçantë.
Bëhet fjalë për hiq më pak se 400 kilogramë kokainë, që u hetuan në njërin prej kontejnerëve me ndihmën e teknologjisë së skanerit.

Zyrtarët bënë të ditur se droga kishte për destinacion Meksikën, prej nga besohet se do përfundonte në Shtetet e Bashkuara të Amerikës.

Vlera e këtij malli llogaritet të jetë rreth 300 milionë dollarë. Autoritetet thanë se kokaina e kapur është më e pastërta që është konfiskuar ndonjëherë, ndërsa që një i dyshuar është arrestuar.

Prokurori Juan Mendoza beson se kjo gjetje do t’i japë një goditje të rëndë narko-karteleve. Trafikantët shfrytëzojnë lokacione të ndryshme në shumë vende të Amerikës latine për të prodhuar këtë narkotik, por destinacioni i tyre, pothuajse gjithmonë është i njëjtë, tregu në shtetet e bashkuara të Amerikës.

< Paraprake		Pasuese >