Tetë antarë të një familjeje besohet se kanë humbur jetën nga vërshimet që goditën një fshat të Peru-së. Dhjetëra të tjerë u lënduan kur uji përfshiu fshatin Kueser-Majo në rajonin Kusko të shtetit amerikano-latin.

Mediat lokale raportojnë se tetë persona humbën jetën ndërsa tentonin të shpëtonin nga uji i tërbuar, duke hipur mbi kulmin e shtepisë.

Fatkeqësisht rrjedha e fuqishme shembi gjithçka para vetes. Trupat e tyre të pajetë u gjetën disa kilometra larg, të zhytur në baltë.

Zyrtarët lokalë thonë se të paktën 100 shtëpi u dëmtuan ndërsa qarkullimi është bërë I pamundur pasi që rruga e fshatit është bllokuar.

Këto janë vërshimet e dyta në Peru, gjatë një muaji. Në shkurt, shiu i rreptë shkaktoi rrëshqitjen masive të dheut afër fortesës në Machu Pichu, dhe për pasojë, 4000 turistë u detyruan të evakuohen me ndihmën e helikopterëve.

< Paraprake		Pasuese >