Shtohet frika për rritjen e numrit të viktimave të tërmetit në Kili, ndërsa ora orës ndryshojnë shifrat e të zhdukurve. Deri më tani më shumë se 700 persona janë konfirmuar të vdekur.

Zyrtarë qeveritar kilian bënë të ditur se 1.5 milion shtëpi dhe ndërtesa të ndryshme janë shkatërruar nga katastrofa, kurse qindra mijëra njerëz kanë mbetur pa energji elektrike dhe ujë të pijshëm.

Operacionet e ekipeve shpëtimtare janë përqendruar në jug. Situata në qytetet jugore, Konsepsion, Talka, Kilan dhe Konstitusion është dëshpëruese dhe sipas zyrtarëve është duke u përkeqësuar.

Në disa zona kjo I ka shtyre njerëzit të marrin masa dëshpëruese. Policia është detyruar të përdor gaz lotsjellës dhe topa uji për të shpërndarë plaçkitësit që vidhnin dyqanet. Edhe pse autoritetet në Kili janë mirë të përgatitura për situatat pas tërmeteve, ato e pranojnë se kanë nevojë për ndihmë ndërkombëtare.

< Paraprake		Pasuese >