Numri i viktimave të stuhisë që goditi fundjavën e kaluar një pjesë të madhe të Evropës, vazhdon e rritet. Vetëm në Francë, së paku 50 persona kanë humbur jetën, kur banorët përreth brigjeve jug perëndimore u goditën nga stuhia dhe valët e larta të detit.

Më shumë se 500 familje kanë mbetur pa kulm mbi kokë, dhe afro 1 milion banorë nuk kanë energji elektrike. Qindra llogaritet të jenë lënduar, ndërsa 12 konsiderohen të zhdukur.

Disa nga viktimat, thuhet të kenë vdekur nga shkulja e pemëve. Rajoni më i goditur paraqitet të jetë Brëtanja dhe pjesa qendrore e vendit.

Aeroportet e Parisit kanë anuluar një numër të madh fluturimesh, kurse transporti hekurudhor ka funksionuar me vonesa të gjata, për shkak të ujit që ka mbuluar binarët.

Tre persona kanë vdekur në Spanjë. Ndërsa në Portugali, një fëmijë dhjetëvjeçar ka humbur jetën në qytetin e Paredes. Gjendje gatishmërie për shkak të erërave dhe shirave të fuqishme, është shpallur dhënë edhe në Gjermani dhe Belgjikë.

< Paraprake		Pasuese >