Tre policë dhe një fëmijë, u vranë në një sulm vetëvrasës me autobombë, ndërsa edhe të paktën 13 persona mbetën të lënduar, të shtunën në Karak të Pakistanit.
Sulmi i së shtunës në veri perëndim të Pakistanit kishte për shënjestër një stacion të policisë.

Incidenti në qytetin që gjendet 200 kilometra nga Islamabadi vjen në kohën kur policia lokale ishte në gjendje gatishmërie, për shkak të frikës nga sulmet ndaj pelegrinëve mysliman që shënonin përvjetorin e lindjes së profetit Muhamed.

Shpërthimi ka shkatërruar pjesën dërmuese të stacionit policor dhe ka dëmtuar xhaminë që xhindet afër.
Qyteti i Karakut gjendet në zonën kufitare me Afganistanin dhe njihet për sulme fatale nga militantët Taliban.

< Paraprake		Pasuese >