Përfaqësues të lartë të kësaj partie bënë të ditur një ditë më parë se deputetët e saj do të hyjnë të enjten në parlament, një javë para skadimit të mandatit të tyre.

Kryetari i Partisë Socialiste Edi Rama nuk e ka quajtur një hap prapa dhe se përpjekja për të bërë transparencën e procesit zgjedhor përmes hapjes së kutive të votimit do të vazhdojë.

Deputët socialistë do të paraqesin gjatë senacës një propozim për ngritjen e një komisioni hetimor parlamentar i cili do të përfshijë edhe hapjen e kutive, një kërkesë kjo e refuzuar në mënyrë të përsëritur nga shumica e cila e konsideron si antikushtetues një veprim të tillë.

Zoti Rama la të kuptohet qartë se nëse propozimi i tyre do të refuzohet atëhere deputetët socialistë nuk do të vazhdojnë qëndrimin në parlament, por siç tha ai, ata do të vihen në krye të protestave popullore deri në plotësimin e kërkesave.
Ndërkohë mediat shqiptare kanë njoftuar se nëse deputetët socialistë do të bojkotojnë edhe një herë parlamentin, atëherë ata nuk do të marrin pagat e tyre.

< Paraprake		Pasuese >