Reshjet e mëdha të shiut shkaktuan rrëshqitje dheu në shtetin e Indonezisë. Më shumë se 17 viktima janë regjistruar, derisa dhjeta tjerë llogariten të zhdukur.

Rrëshqitjet e dheut në Indonezi shkaktuan një situatë kaotike. Kjo situatë që nisi nga e marta dhe po vazhdon të mërkurën, la të vdekur të paktën 17 persona.

Autoritetet indoneziane të sigurisë bënë të ditur se 60 veta konsiderohen të zhdukur. Ekipet e kërkim-shpëtimit po operojnë në rajonin Ciudei, vend në të cilin po ndodh kjo fatkeqësi natyrore.

E dëmet janë të mëdha. Rrugët që lidhin Ciudein me Xhakartën janë bllokuar tërësisht. Ndryshe, vendi i fatkeqësisë gjendet në 150 kilometra larg kryeqendrës indoneziane. Rrëshqitja e dheut është një fenomen i shpeshtë në këtë vend, gjatë sezonit të reshjeve.

< Paraprake		Pasuese >