Rreth 2 milionë punëtorë grekë janë në protestë kundër masave të ashpra ekonomike të imponuara nga shteti në mënyrë që vendi të përballet me borxhet dhe defiçitin buxhetor.

BBC njofton se sektorët e paralizuar nga protesta janë vendet arkeologjike te Greqisë të cilat do të jenë të mbyllura për turistët, gjithashtu hapësira ajrore do të jetë e mbyllur për të gjitha fluturimet.

Zëdhënësi i Sindikatës më të madhe të vendit, Stathis Anestis tha se shume grekë po kanë probleme për të siguruar një mbijetesë bazë. "Ekziston një akumulim i madh i presionit dhe zemerimit. Është një problem serioz per të siguruar një nivel minimal dhe dinjitoz të mbijetesës. Varfëria në vendin tonë ka tejkaluar njëzet për qind," tha zoti Anestis.

Ai tha se nëse të gjitha këto masa do te zbatohen, papunësia do të ngrihet në qiell dhe se Greqia do të hyjë në një recesion të madh dhe papunësia do të arrijë nivele të papara më parë edhe në Evropë. 
Kjo është greva e dytë brënda dy javëve e cila ka ngjallur zemërimin publik rreth perceptimit se Bashkimi Evropian nuk i është përgjigjur me simpati gjendjes ekonomike të Greqisë.

< Paraprake		Pasuese >