Shefja për politikë të jashtme e BE-së, Ketrin Ashton tha se e mbështetë idenë e kryeministrit slloven Borut Pahor, për të organizuar një konferencë ndërkombëtare për Ballkanin Perëndimor, në mars.

Për këtë nismë të shefit të qeverisë në Lubjanë është pajtuar edhe homologia e tij kroate, Jadranka Kosor dhe nëse bëhet realitet, ky do të ishte takimi i parë i të gjithë liderëve të rajonit, në 18 vjetët e fundit.

Në organizimin e saj do të ndihmonte edhe Këshilli i Evropës dhe Komisioni Evropian, raporton B92.
Përfaqësuesit e Kosovës, të cilët do të përfaqësoheshin në një mënyrë të duhur, duhet të marrin pjesë në konferencë.
Pahor ka thënë se qëllimi i kësaj mbledhie është të kërkohen zgjidhje për disa çështje të hapura në rajon.

< Paraprake		Pasuese >