Presidenti shqiptar Bamir Topi do të vazhdojë të martën takimet e nisura të shtunën e kaluar me kryeministrin Sali Berisha dhe liderin e opozitës Edi Rama.

Mediat shqiptare bëjnë të ditur se kësaj here takimi për dialogun politik do të jetë I ndarë.

Mësohet se Presidenti Topi, përpara takimeve pritet të bisedojë me kreun e delegacionit të Komisionit Europian në Tiranë, ambasadorin Lohan dhe ambasadorin e Spanjës, Montobio.

Pavarësisht se tryeza e së shtunës nuk prodhoi rezultat konkret për daljen nga kriza, Presidenti Topi shprehet optimist për vijimin e dialogut.

Gjatë mbledhjes së paradites të grupit parlamentar të PD, kryeministri Berisha theksoi vullnetin e qeverisë për vazhdimin e rrugës së dialogut ndërsa ritheksoi se çështja e kutive është një problem mes opozitës dhe gjykatave, ku la të kuptohet qartë se hapja e kutive mbetet një kërkesë e parealizueshme.

< Paraprake		Pasuese >