EULEX-i ka hedhur poshtë akuzën kundër katër serbëve të dyshuar se me anë të dhënies së mitos janë përpjekur të nxisin dëshmitarë të rremë, për gjoja tregtinë me organe të serbëve të zhdukur në të ashtuquajturën “Shtëpi e verdhë” në Burrel të Shqipërisë.

Avokatët e të akuzuarve i thanë agjencisë Beta se të liruarit janë vëllezërit Jashinac nga Shtërpca, si dhe Predrag Zhelkoviq dhe Milutin Jaganoviq nga Novi Sadi.
Këta persona u arrestuan në qershor të vitit 2009 afër Çagllavicës, Ndërsa akuza kundër tyre është ngritur në dhjetor 2009.

Policia dyshonte se këta të akuzuar kanë dhënë para dëshmitarëve për të pohuar se kanë qenë viktima të tregtisë me organe. Avokatët e serbëve të liruar thanë se gjyqtari i EULEX-it nuk konfirmoi aktakuzën për shkak të mungesës së dëshmive, duke konsideruar se procedura e mëtejshme është e pakuptimtë.

< Paraprake		Pasuese >