Të shtunën 18 mijë trupa të NATO-s, të udhëhequra nga forcat amerikane, filluan ofensivën më të madhe kundër talibanëve që nga fillimi i luftës në viti 2001 në Afganistan.

Mësymja është koncentruar në provincën Helmand ku besohet se është një nga bastionet e fundit të rebelëve në këtë vend.

Operacioni që po quhet “Moshtarak” apo “Së bashku” mblodhi trupa nga Britania e Madhe, Kanadaja, Danimarka, Estonia dhe rreth 1.500 suhtarë vendas.

Këto xhirime të natës, që u siguruan nga ministria britanike e mbrojtjes, tregojnë shkallën e operacionit.

Ndryshe komandanti i talibanëve, Qari Fazlludin bëri të ditur, nëpërmjet një video mesazhi se afro 2 mijë rebelë janë të gatshëm të luftojnë.

Analistët thonë se problemi më i madh i forcave të NATO-s gjatë këtij aksioni do të jetë numri i madh i viktimave civile. Nëse shifra e të pafajshmëve që pësojnë do të jetë e lartë, atëherë edhe mbështetja e banorëve për trupat e Nato-s, nëpër qytetet të mbajtura nga Talibanët, do të zbehet.

< Paraprake		Pasuese >