Spanja ndëshkoi personin e parë për tradhti që nga përfundimi i periudhës së diktaturës në vitin 1975 të Gjeneralit Franko. Bëhet fjalë për ish agjentin e shërbimit të inteligjencës, Roberto Florez, i cili u dënua të enjten me 12 vite heqje lirie.

Arsye për këtë dënim është se ai u mundua t’i shesë informacione sekrete një diplomati rus, për një vlerë prej 200 mijë euro gjatë viteve 2001 dhe 2002. Këto dëshmi policia spanjolle i gjeti në vitin 2007, kur gjatë një bastisjeje gjeti dy letra ku përshkruhej oferta për informacione sekrete.
Gjykata e Madridit vendosi se një shitje e këtij informacioni do të rrezikonte sigurinë kombëtare spanjolle.
Nga ana tjetër, tash më i dënuari Florez tha se letrat e gjetura në shtëpinë e tij, kanë qenë pjesë e një ushtrimi të shërbimit sekret spanjoll.

< Paraprake		Pasuese >