Një anëtar i partisë Konservatore në opozitë në Dhomën e Lordëve Lordi Hanningfield , dhe tre deputetë nga partia Laburiste në pushtet, Elliot Morley, David Chaytor and Jim Devine akuzohen për keqpërdorim të shpenzimeve.

Lajmi bëhet i ditur nga media britanike BBC e cila thotë se deputetët ndodhen përballë akuzave të shumëfishta sipas Ligjit për vjedhje. Bëhet e ditur se të gjithë të akuzuarit i kanë mohuar menjëherë akuzat ndaj tyre.

Në deklaratat e tyre, tre deputetët thanë se ishte çështje për komisionin parlamentar që të impononte zbatimin e rregullave rreth rimbursimit të shpenzimeve dhe se do t'a mbrojnë fuqimisht pozicionin e tyre. BBC bën të ditur se akuzat rreth keqpërdorimit të sistemit të rimbursimit të shpenzimeve vazhdon të nxisë zemërim të madh në opinion këtu në Britani ku zgjedhjet e përgjithshme do të mbahen brenda disa muajve.

< Paraprake		Pasuese >