Një aksident i rëndë i ndodhi forcave amerikane në Gjermani. Tre ushtarë humbën jetën, kur helikopteri Bllek Hok u rrëzua në pjesën perëndimore të Gjermanisë, afër bazës më të madhe amerikane Ramshtajn. Aksidenti tragjik ngjau në orët e hershme të së enjtes, ndërsa pak orë më vonë u konfirmua nga autoritetet amerikane. Helikopteri llogaritet të jetë rrëzuar në mes qyteteve të Darmshtad dhe Manhajm. Shkaqet e aksidentit të rëndë nuk dihen ende, edhe pse besohet që indikator kryesor për këtë aksident të ketë qenë moti i rëndë në vendin e Evropës Qendrore. Zëdhënësi i ushtrisë amerikane në Gjermani tha se bilanci i viktimave përfundimisht mbetet në tre persona.
Baza më e madhe e ushtrisë amerikane jashtë Shteteve të Bashkuara është Ramshtajni, që pozicionohet në pjesën perëndimore të Gjermanisë.

< Paraprake		Pasuese >