Amerika, Franca, Mbretëria e Bashkuara, Gjermania dhe Italia, si anëtare të Kuintit, kanë paralajmëruar Beogradin se nuk do ta tolerojnë më fushata e drejtuar kundër tyre, në arenën ndërkombëtare. Sipas medieve serbe, të paktën 2 nga pesë vendet e Kuint-it kanë dërguar demarsh diplomatik në ministrinë e jashtme serbe, ku i tërhiqet vërejtja ministrit Jeremiq për politikë agresive në raport me këto vende. Siç shpjegojnë mediet serbe, diplomatë të Kuint-it nuk mjaftohen me faktin se Serbia edhe tutje ka Kosovën si prioritet të saj në politikën e jashtme, siç deklaron Vuk Jeremiq. Ky i fundit, gjatë turneve të tij në vendet e botës, shpesh-herë ka thënë se vendet që kanë njohur Kosovën, ka thyer të drejtën dhe ligjin ndërkombëtar, duke dëmtuar reputacionin e vendit gjegjës në arenën ndërkombëtare.

< Paraprake		Pasuese >