Një numër i madh i njerëzve morën sot pjesë në varrimin e viktimave të sulmit vetëvrasës që ndodhi një ditë më parë. Sulmi i së hënës që kishte shënjestër pelegrinët shiit, la të vdekur 41 persona, përfshirë edhe fëmijë, si dhe më shumë se 100 të tjerë u lënduan lehtë e rëndë.

Për sulmin e fundit që erdhi vetëm një muaj para zgjedhjeve në Irak fajësohen forcat e sigurisë, që ishin në numër të madh por dështuan t’i mbrojnë pelegrinët. Këta të fundit kishin vërshuar rrugët qytetit Qerbela për të qenë pjesë e ceremonisë fetare te Arbainit. Festë kjo që shënon 40 ditë të vajtimit për Huseinin, nipin e profet Muhamedit që humbi jetën në shekullin e shtatë në betejën e Qerbelasë.

< Paraprake		Pasuese >