Konflikti ndërfetar në Nigeri vazhdon të prodhojë viktima tjera. Më shumë se 150 trupa u gjetën në fshatin Kuru Karama, 30 kilometra larg qytetit Jos. Mijëra persona të tjerë llogariten të jenë zhvendosur nga shtëpitë e tyre, si rezultat i përleshjeve.
Dyshohet që në shkurret e këtij vendi të ketë edhe më shumë trupa të vdekur.
Ende nuk ka ndonjë informacion që qartëson sa viktima janë nga komuniteti katolik e sa nga ai mysliman. Sipas gazetarëve që gjenden në zonë, luftimet ndërmjet bandave kanë zgjatur më shumë se shtatë orë. Deri më tani në konfliktin ndërfetar humbën jetën më shumë se 300 persona. Luftimet nisën nga e diela e kaluar.

< Paraprake		Pasuese >