Zv kryeministri, njëkohësisht ministri i Jashtëm, Ilir Meta mbështet idenë e një takimi mes kreut të qeverisë, Sali Berisha dhe kreut të PS-së, Edi Rama.

Deklarata vjen një ditë pas ftesës që kryeministri bëri dje ndaj Ramës për të kontribuar në procesin e integrimit të vendit në BE.

Sipas Metës, dy liderët duhet të lënë retorikat politike dhe të bashkëpunojnë për procesin e integrimit të Shqipërisë për në Bashkimin Evropian. Ai tha se Berisha e Rama duhet të gjejnë kompromis për interesat e integrimit në BE. Deklarata është bërë sot paradite pas takimit me ambasadorin e Japonisë.
Kreu i Lëvizjes Socialiste për Integrim është shprehur madje se është i gatshëm të takohet vetë me Edi Ramën dhe deklaroi se dialogu është shumë i rëndësishëm në keto momente kur varet e ardhmja integruese e vendit.

< Paraprake		Pasuese >