Presidenti i Rusisë Dmitry Medevedev të enjten mirëpriti vendimin e homologut të tij amerikan për të mos ndërtuar sistemin mbrojtës raketor në Evropën lindore.

Gjatë një fjalimi publik, Medvedev përshëndeti aktin pozitiv, që sipas tij, e ka ndërmarrë Presidenti amerikan. Kreu rus tha se e kishte diskutuar këtë temë me homologun e tij gjatë takimeve, të cilat i zhvilluan në Londër dhe pastaj në Moskë.


Sipas Presidentit rus, të dy palët kishin ra në ujdi që të bashkëpunojnë dhe pjesë e kësaj marrëveshjeje ishte edhe shkurtimi i shpërndarjes së proliferimit botëror.
Numri një i Rusisë tha se takimet ekspertëve rus dhe amerikan do të vazhdojnë edhe më tutje, me qëllim të gjetjes së përgjigjeve të stabilitetit strategjik. Takimi i radhës i dy krerëve do të zhvillohet më 23 shtator në Neë York

< Paraprake		Pasuese >