Për këta dhjetëra protestuesë kinez në Tai Pei, lideri shpirtëror tibetian Dalai Lama kishte një përgjigje.

“Nuk kam ardhur për asnjë qëllim politik”, ishte deklarata e këtij udhëheqësi drejtuar turmës së mbledhur, e cila filloi protestën qysh në ditën e parë të vizitës së prijësit shpirtëror tibetian në ishullin e vetadministruar të Tajvanit.

Lama deklaroi se secili qëndrim i tij jashtë vendit cilësohet nga të ashtuquajturit ekspertë kinezë, si mision me prapavijë politike.
Ndërkohë, demonstruesit me parullat Dalai ik dhe Tajvani e Tibeti janë toka kineze, vazhduan brohoritjen kundër liderit në ekzil.
Opinioni publik në Tajvan vazhdon të jetë i ndarë në lidhje me vizitën e prijësit religjioz dhe fituesit të çmimit nobel për paqe.
Një pjesë e madhe e popullatës në Tajvan mendon se vizita e Lamas në ishullin e paqësorit lindor mund të shkaktojë vetëm dëm.
Ndryshe, prijësi tibetian arriti të dielën në Taipei për të vizituar tajvanezët, të cilët u goditën nga tajfuni Morakot, që konsiderohet të ketë vrarë rreth 750 persona.

< Paraprake		Pasuese >