Kryeministri i Greqisë Kostas Karamanlis, shpalli zgjedhje të jashtëzakonshme, të mërkurën, nëpërmjet një adresimi publik.
Shkas për këtë konsiderohet të jetë rënia drastike e popullaritetit të partisë së tij, Demokracia e Re.

Në ditën kur shpërndau parlamentin, Karamanlis deklaroi se Greqia duhet të pastrojë imazhin e saj në kushtet të një krize ekonomike. Ai kërkoi një mandat të ri, për të ndërmarrë reforma më të rrepta për ringjalljen ekonominë e vendit.

Qeveria e kryeministrit Karamanlis gjatë periudhës së kaluar u godit nga shumë skandale politike e financiare.
Ai u kritikua për favorizimin e të pasurve, dhe mos-menaxhimin e duhur të krizave, gjegjësisht zjarreve që kapluan vendin e Evropës Juglindore.
Demokracia e Re e Karamanlisit i fitoi zgjedhjet dy vjet më parë, me një rezultat të ngushtë ndaj majtistëve të Papandreut.
Zgjedhjet e rregullta parlamentare në Greqi duhej të mbaheshin më 2011.

< Paraprake		Pasuese >