Një gjykatë në Kejptaun të Afrikës së Jugut e ka refuzuar lirimin me kaucion të Dobrodav Gajiqit, I akuzuar për vrasjen e atij që njihej si kriminel lufte në Serbi, Zhelko Razhnjatoviq-Arkan.
Kryesuesi i panelit, Xhoe Magele tha se lirimi i personit në fjalë do t’i jepte mundësi atij të ikte dhe t’I shpëtonte ekstradimit për në Beograd.
Gajiq është dënuar në vitin 2008 me 35 vjet burg për këtë vrasje, por ai ka ikur, duke u strehuar në Afrikën e Jugut me gruan dhe dy fëmijët.
Arkan, që ishte i akuzuar për krime lufte nga tribunali I Hagës për krime lufte në bosnjë gjatë viteve 1992-1995 është vrarë më 15 janar të 2000-tës, në hollin e hotelit intercontinental, në Beograd.
Njësitë e tij paramilitare thuhet se kanë kryer krime edhe gjatë luftës në Kosovë, më 1998-1999.

< Paraprake		Pasuese >